Rusia ka paralajmëruar Britaninë për “pasoja”, pasi dronë të prodhuar në Mbretërinë e Bashkuar janë përdorur nga Ukraina në sulme brenda territorit rus. Ambasada ruse në Londër akuzoi Britaninë se po përfshihet drejtpërdrejt në konflikt. Moska paralajmëroi se sa më shumë të thellohet kjo përfshirje, aq më i lartë do të jetë “çmimi”.
Britania reagoi duke riafirmuar mbështetjen për Kievin. Ministria e Mbrojtjes deklaroi se do të vazhdojë t’i sigurojë Ukrainës pajisjet e nevojshme për t’u mbrojtur. Sipas BBC-së, dronët britanikë janë përdorur kundër objektivave ushtarake, rafinerive dhe qendrave logjistike brenda Rusisë.
Paralajmërimi vjen pas një vale të re sulmesh. Moska pretendon se rreth 620 dronë u drejtuan drejt rajonit të kryeqytetit gjatë natës, ndërsa mbi 180 prej tyre u rrëzuan. Ndërkohë, edhe Rusia vijoi bombardimet ndaj Ukrainës, duke lënë të paktën shtatë të vrarë dhe mbi 39 të plagosur.
