Lufta civile në Jemen ka hyrë në një fazë të re përshkallëzimi, pasi rebelët Houthi kanë ndërmarrë një sulm me raketa ndaj pallatit presidencial në qytetin e Adenit, ku ndodhej kryeministri i vendit.
Sipas informacioneve paraprake, kryeministri jemenas ka shpëtuar pa lëndime nga sulmi, ndërsa dy persona që e shoqëronin kanë humbur jetën. Objektivi i sulmit ishte pallati presidencial në Aden, qytet që shërben si qendër e rëndësishme politike dhe administrative për qeverinë jemenase të njohur ndërkombëtarisht .
Sulmi shënon një zhvillim serioz në konfliktin e gjatë mes rebelëve Houthi dhe forcave qeveritare, duke e zhvendosur sërish vëmendjen te siguria e institucioneve më të larta shtetërore.
