Gjykata e Durrësit ka liruar dy të miturit e arrestuar gjatë protestës së ditës së parë në qytet.
Për të dy është caktuar masa e sigurisë “detyrim për t’u paraqitur në policinë gjyqësore”, ndaj hetimet do të vijojnë në gjendje të lirë.
Në rastin e njërit prej të miturve, gjykata e ka vlerësuar arrestimin të paligjshëm, ndërsa për tjetrin arrestimi është konsideruar i ligjshëm.
I pari akuzohet për kundërshtim të punonjësit të policisë së rendit publik, në rrethana rënduese, si dhe për pjesëmarrje në grumbullime ose manifestime të paligjshme. I mituri tjetër akuzohet për goditje për shkak të detyrës dhe për pjesëmarrje në grumbullime ose manifestime të paligjshme. Hetimet ndaj tyre dhe personave të tjerë të arrestuar vijojnë.
