Tre persona kanë humbur jetën dhe dy të tjerë kanë mbetur të plagosur në një aksident të rëndë të ndodhur gjatë natës në Manzë. Ngjarja ndodhi rreth orës 02:22, në një rrugë dytësore. Sipas policisë, drejtuesi i automjetit K. V. humbi kontrollin e mjetit dhe u përplas me një bordurë betoni.
Nga përplasja humbën jetën drejtuesi i mjetit, 26-vjeçarja S. B. dhe 15-vjeçari A. M. Dy pasagjerë të tjerë, R. V., 25 vjeç, dhe K. D., 16 vjeç, mbetën të plagosur dhe u transportuan drejt Tiranës. Gjendja e 16-vjeçarit raportohet e rëndë.
