Dy të rinj të shpallur në kërkim janë arrestuar në Shkodër, pasi dyshohet se kishin përshtatur dy banesa për kultivimin e kanabisit në ambiente të mbyllura. Në pranga ranë A.B., 28 vjeç, nga Shkodra, dhe S.B., 25 vjeç, nga fshati Zagorë. Sipas policisë, të dy ishin në kërkim në kuadër të operacionit “Neonët 5”, të zhvilluar në janar të këtij viti.
Ata dyshohet se, së bashku me persona të tjerë, kishin përshtatur dy banesa në fshatin Barbullush për kultivimin e bimëve narkotike me llamba. Ndaj tyre rëndojnë akuzat për prodhim dhe shitje narkotikësh, kultivim të bimëve narkotike dhe vjedhje të energjisë elektrike.
