Skena të jashtëzakonshme vijnë nga parlamenti i Gjeorgjisë, i cili u shndërrua në një arenë boksi gjatë një seancës së tij. Deputetët shkëmbyen grushte me njëri - tjetrin në mbledhjen e fundit përpara pushimeve të verës.
Në një video që qarkullon në internet, ligjvënësit e partisë opozitare "Për Gjeorgjinë" dhe kundërshtarët e tyre që përfaqësojnë partinë në pushtet "Ëndrra Gjeorgjiane" u përplasën teksa përgatiteshin të votonin "ligjin për agjentët e huaj" që ka shkaktuar javë të tëra protestash masive.
Në sherr u përfshinë burra dhe gra deputete të cilët lanë pas debatin parlamentar gjatë fjalimit vjetor të kryeministrit Irakli Kobakhidze. Konfrontimi thuhet se zgjati disa minuta, ndërsa videoja e incidentit u transmetua nga media të ndryshme. ©LAPSI.al
