Një grabitje spektakolare që ngjan me pamjet e një filmi ndodhi në orët e para të së martës në Ramsey, Cambridgeshire të Britanisë. Një bandë përdori një vinç për të rrëmbyer një bankomat nga një degë e bankës “Nationwide Building Society”.
Ngajrja ndodhi rreth orës 3:15 të mëngjesit. Autorët arritën të largoheshin me makinë nga vendi i ngjarjes, pasi arritën të merrnin bankomatin me dhjetëra mijëra paund në të. Pamjet e kamerave të sigurisë kapë momentin kur dy automjete ndalen pranë degës së bankës, ndërsa një vinç shfaqet pak më vonë. Mjeti i rëndë godet vazhdimisht fasadën e ndërtesës derisa e "rrëzon" bankomatin nga pozicioni i tij.
Më pas një grup burrash të maskuar e ngarkojnë bankomatin në pjesën e pasme të një kamioni dhe largohen nga vendi i ngjarjes. Disa sekonda më vonë, dy persona të tjerë hipin në një automjet të dytë dhe largohen.
Policia tha se vinçi i përdorur në grabitje besohet të jetë vjedhur dhe se në të janë përfshirë tre automjete. Autoritetet thanë gjithashtu se një furgon furre buke që u pa duke ndaluar aty pranë ndërsa grabitësit mbushnin bankomatin nuk kishte lidhje me grabitjen. ©LAPSI.al
