Melihate Shabani Ajeti konsiderohet si një nga emrat më të njohur të skenës së teatrit dhe kinemasë së Kosovës. Lindi në 9 tetor 1935 në Prishtinë dhe semimaturën e kreu po aty. Pasi kreu shkollën e aktrimit bëri një specializim në Paris (Comedie Française). Ajo konsiderohej “aktorja numër një” e teatrit prishtinas. E nisi aktrimin si 16 vjeçare më 1951 në Teatrin Krahinor të Kosovës dhe realizoi në skenë 180 role kryesore me të cilat dëshmoi talentin e saj.
Kujtohen rolet në shfaqjet: Zullumqari, Vajza pa pajë, Zonja me kamelie, Besa, Sikur të isha djalë, Halili e Hajrija, Erveheja, Hanka, Hamleti, Shtetrrethimi, Othello, Ana Karenina, Vdekja e një mbretëreshe, Svinga e Gjallë, Magbethi, Antigona, etj.
La gjurmë edhe në kinematografinë kosovare e jugosllave me role në: Uka i Bjeshkëve të nemuna, Buka, Zonja me kamelie, Etja, Trimi, Lepuri me 5 këmbë, Era e Lisi, Erveheja, Kur Pranvera vonohet, Të ngujuarit, E shtëna në ajër, Othello, Përroi vërshues, Migjeni, Gjurmët e bardha, Magbethi, Dorotej, etj. Ajo është nderuar me një sërë çmimesh. ©LAPSI.al
