Seanca për Ergys Agasin, që sapo kishte nisur në Gjykatën e Posaçme kundër Korrupsionit dhe Krimit të Organizuar (GJKKO) për masën e sigurisë, është ndërprerë për dy orë. Shkak është bërë kërkesa e avokatit të Agasit,Maks Haxhia, i cili ka kërkuar kohë që të njihet me materialet dhe provat e dosjes hetimore të paraqitura nga Prokuroria e Posaçme Kundër Korrupsionit dhe Krimit të Organizuar (SPAK).
Pas shqyrtimit të kërkesës, gjykata vendosi ta ndërpresë procesin për dy orë. Seanca në GJKKO pritet të rifillojë pas këtij afati për të dëgjuar pretendimet e palëve dhe për të dhënë vendimin mbi masën e sigurisë.
