Kreu i Partisë Demokratike, Lulzim Basha reagoi ndaj deklaratës së kryeministrit Edi Rama në forumin e Ohrit, ku u shpreh se Shqipëria i ka plotësuar kushtet për hapjen e negociatave me BE-në dhe akuzoi unionin për mosmbajtjen e këtij premtimi. Kryedemokrati Basha e konsideron Edi Ramën një autokrat të korruptuar që guxon të fajësojë BE për mungesën e përparimit të Shqipërisë.
“Ishte një kohë …. kur zyrtarët e BE-së si Reinhard Priebe folën për shkeljet e autokratëve të Ballkanit mbi Demokracinë dhe Sundimin e Ligjit dhe Kryeministrat e Ballkanit dhe kolegët e tyre u drodhën, reflektuan ose u larguan me votë. Mesa duket situata ka ndryshuar.
Autokratët e korruptuar të Ballkanit kanë guximin t’i hedhin fajin BE për mungesën e përparimit, në vend të goditjeve të tyre të tmerrshme ndaj demokracisë dhe sundimit të ligjit. Të flasësh me zë të lartë dhe të veprosh kundër autokracisë është mënyra e vetme për të mbrojtur demokracinë dhe Flamurin e Aspiratave të Bashkimit Evropian të njerëzve të Ballkanit Perëndimor”, shkruan Basha.
