Është bërë virale videoja e filmuar nën rrënoja e një çifti, burrë dhe grua që ishin bllokuar nën një ndërtesë që u shemb pas tërmetit që shkatërroi Venezuelën. Fillimisht ata pyesin njëri tjetrin për gjendjen.
Të bindur se po jetonin çastet e tyre të fundit, burri dhe gruaja regjistruan një video me telefon ku i lëshonin një mesazh prekës djalit dhe familjarëve të tyre.
Gjatë video-regjistrimit, çifti dëgjonte dhe filmonte goditjet e mjeteve të ekipeve të emergjencës që po gërmonin sipër tyre. Pas kërkesës për "heshtje totale" nga ekipet e kërkim-shpëtimit për të lokalizuar zërat, ata u gjetën dhe u nxorën të gjallë nga rrënojat e ndërtesës së shembur.
Tërmeti i dyfishtë me magnitudë 7.2 dhe 7.5 ka shkaktuar dëme katastrofike në Venezuelë. Bilanci zyrtar po përditësohet vazhdimisht dhe raportohet për mbi 1,700 të vdekur dhe mijëra të zhdukur. ©LAPSI.al
