Një aksident i rëndë ka tmerruar spektatorët gjatë një rodeoje në lagjen Bronx të New York-ut, pasi një kalorës 25-vjeçar u plagos pasi u hodh nga një dem i tërbuar dhe u shkel. Pamjet filmike tregojnë momentin ku i riu duket se humbet ndjenjat ndërsa ndodhej ende mbi demin, me gjasë pasi goditi kokën gjatë lëvizjeve të forta të kafshës
Sipas autoriteteve, 25-vjeçari u hodh nga demi ndërsa përpiqej të qëndronte sipër tij, kur ai filloi të lëvizte me dhunë dhe ta hidhte në ajër. Spektatorët reaguan, ndërsa anëtarët e organizatës hynë shpejt në vendngjarje për ta larguar të riun nga kafsha.
Pas një kohe të shkurtër, ata arritën ta lironin dhe ta transportonin jashtë arenës, ku iu dha ndihma e parë. 25-vjeçari u dërgua në spital dhe sipas informacionit që u bë i ditur, është i shtruar në spital në gjendje të qëndrueshme.
Ndërsa dëshmitarët okularë raportuan se kalorësi duket se kishte humbur përkohësisht ndjenjat pas rënies dhe goditjeve. Kalërimi mbi dema konsiderohet si një nga ngjarjet më të rrezikshme të rodeos, pasi atletët duhet të qëndrojnë sipër një demi për një periudhë të caktuar kohore, duke u përballur me lëvizjet dhe forcën e papritur të kafshës.
