Gjykata e Durrësit ka konfirmuar masat e sigurisë për një grup personash të përfshirë në skemën e tjetërsimit të paligjshëm të pronave në zonën bregdetare. Pas shqyrtimit në seancë, gjyqtari la në fuqi “Arrest në shtëpi” për Shaqir Sheshin, Arianit Matajn dhe Besnik Xhafën, të akuzuar për “Mashtrim” dhe “Falsifikim dokumentesh”.
Për të tjerët të përfshirë në çështje, përfshirë Fiqeret Xhafën dhe tre punonjës të Kadastrës së Durrësit, Jonida Mergeja, Leandro Dervishi dhe Artur Çobani, gjykata vendosi vijimin e masës “Detyrim për t’u paraqitur”.
Stafi i Kadastrës akuzohet për “Shpërdorim detyre” në bashkëpunim, ndërsa hetimet për këtë procedim, i cili ka çuar edhe në sekuestrimin preventiv të 13 parcelave tokë, kanë nisur që prej vitit 2022.
Pavarësisht këtij zhvillimi, autoritetet përballen ende me sfida në ekzekutimin e plotë të masave të sigurisë. Aktualisht, vijojnë të jenë të paekzekutuara katër masa “Arrest në burg” për ish-zyrtarë dhe përfitues të dyshuar
