Gjykata e Shkallës së Parë në Shkodër ka caktuar masën e sigurisë “Arrest me burg” për 64-vjeçarin Shtjefën Ziçi, i cili akuzohet për vrasjen e bashkëshortes së tij, Bardhe Ziçi, ngjarje e ndodhur më 9 korrik.
Gjatë seancës gjyqësore të mbajtur ditën e sotme, i pandehuri nuk ka dhënë dëshmi për shkak të gjendjes së rënduar psikike, ndërsa avokati i tij mbrojtës ka kërkuar kryerjen e një ekspertimi mjeko-ligjor për të vlerësuar gjendjen e tij mendore.
Autoritetet vijojnë hetimet për zbardhjen e plotë të rrethanave të këtij krimi tragjik, i cili shkaktoi një tronditje të madhe në opinionin publik.
