Një sulm me thikë është regjistruar këtë të enjte në Zvicër. Mësohet se nga ky sulm kanë mbetur të plagosur 4 persona. Ngjarja ndodhi në stacionin e trenit në qytetin Winterthur.
Motivi i sulmit mbetet i panjohur, por raportohet se sulmuesi u dëgjua duke bërtitur: “Allahu Ekber”. Dëshmitarët thanë se sulmi ndodhi pak para orës 08:30 të mëngjesit të së enjtes.
Sipas gazetës 20 Minuten, në kohën e sulmit, një grup nxënësish po kalonin pranë stacionit, ndërsa mësuesi i tyre dyshohet se qëndroi përpara fëmijëve për t’i mbrojtur ata.
Forca të forta policie dhe shpëtimi nxituan në vendngjarje, ndërsa zona përreth stacionit mbetet e rrethuar nga policia. Deri më tani, nuk janë dhënë informacione të mëtejshme mbi gjendjen e të plagosurve apo identitetin e autorit.
