Në Gjykaten e shkalles së Parë të Juridiksionit te Pergjithshëm Elbasan sot po zhvillohet me dyer të mbyllura seanca për vlerësimin e ligjshmërisë së ndalimit dhe caktimin e masës së sigurimit ndaj shtetasit Petri Bozo, i cili është nën hetim për aksidentin tragjik me pasojë vdekjen e 7-vjeçarit E.S. Ngjarje ka ndodhur në fshatin Mengël të Elbasanit.
Sipas organit të akuzës, ndaj Petri Bozos ekzistojnë dyshime të arsyeshme për përfshirjen në aksidentin fatal që tronditi opinionin publik në Elbasan, ku humbi jetën një fëmijë vetëm 7 vjeç. Ngjarja solli reagime të shumta të komunitetit elbasanas e jo vetëm dhe ka rikthyer vëmendjen mbi mungesën e sigurisë rrugore në zonën e Mengelit të Elbasanit.
Gjatë seancës janë paraqitur argumentet e palëve, ndërsa gjykata po shqyrton provat dhe rrethanat paraprake të çështjes për të vendosur mbi kërkesën e Prokurorisë. Në përfundim të seancës së sotme pritet që Gjykata të shpallë vendimin për masën e sigurimit ndaj personit nën hetim Petri Bozo, duke përcaktuar nëse do të pranohet kërkesa e Prokurorisë për “arrest në burg” apo do të vendoset një masë tjetër sigurimi.
