Grupi parlamentar i PD do të paraqesë pas pak në Konferencën e Kryetarëve kërkesën për zgjatjen me 3 muaj të mandatit të Komisionit për ‘Territorialen.’ Në kërkesën e saj, PD argumenton se Komisioni nuk ka përmbushur një sërë objektivash dhe se puna e tij nuk duhet të mbyllet në këtë fazë.
Demokratët kërkojnë që Kuvendi të zgjasë mandatin e Komisionit edhe gjatë muajit gusht, në mënyrë që veprimtaria e tij të mos konsiderohet e përfunduar pa u marrë më parë opinioni zyrtar i Kongresit të Autoriteteve Lokale dhe Rajonale të Këshillit të Evropës.
