Pete Davidson ka habitur fansat me komentet e tij pozitive për ish-partneren, Kim Kardashian, duke vlerësuar talentin e saj në aktrim.
Gjatë një episodi të podcastit të tij “The Pete Davidson Show”, komediani foli me admirim për yllin e reality show-t dhe sipërmarrësen e njohur, duke thënë se është befasuar nga suksesi i saj në botën e aktrimit.
“A nuk është e çmendur që Kim është kaq e mirë në aktrim?”, tha Davidson gjatë bisedës me komedianen Nikki Glaser.
Ai kujtoi një moment nga koha kur ishin në një lidhje, kur Kim i kishte treguar se dëshironte të bëhej aktore.
“Më tha një ditë: ‘Mendoj se do të bëhem aktore’. Unë i thashë: ‘Shumë mirë!’. Më pas ajo doli vërtet e zonja dhe mendova: ‘Nuk është e mundur’. Është shumë e mirë në aktrim”, u shpreh ai.
Kim Kardashian bëri debutimin e saj si aktore në serialin “American Horror Story: Delicate” në vitin 2023, ndërsa më vonë mori role të tjera të rëndësishme në industrinë e filmit dhe televizionit.
Edhe Nikki Glaser, e cila ka bashkëpunuar me Kardashian në projektin e ri të Netflix “The Fifth Wheel”, e vlerësoi atë si një grua shumë inteligjente dhe të vendosur.
“Ajo arrin gjithçka që dëshiron. Sidomos kur njerëzit i thonë se nuk mund ta bëjë,” tha Glaser.
Nga ana e tij, Davidson e quajti Kim Kardashian “supernjeri”, duke shtuar se një nga gjërat më të rëndësishme që ka mësuar prej saj është të mos ndikohet nga opinionet e të tjerëve.
Pete Davidson dhe Kim Kardashian ishin në një lidhje nga tetori 2021 deri në gusht 2022.
