Bebe Rexha ka reaguar ndaj komenteve negative dhe kritikave për pamjen e saj pas paraqitjes në American Music Awards 2026.
Këngëtarja 36-vjeçare vendosi t’u përgjigjej kritikëve në rrjetet sociale me ironi, duke e kthyer vëmendjen te projekti i saj më i ri muzikor.
Gjithçka nisi pasi një përdorues në platformën X publikoi një foto të vjetër të Bebe Rexhës krahas një videoje të saj nga AMAs 2026, duke pyetur ndjekësit: “Tregohuni të sinqertë… cili është mendimi juaj i parë?”
Në vend që të përfshihej në debatet për pamjen e saj, artistja iu përgjigj shkurt:
“Mendimi im është që albumi im i ri ‘Dirty Blonde’ publikohet më 12 qershor. Mund ta porosisni që tani.”
My thought is… My new album dirty blonde is out June 12th. Available for pre order now. https://t.co/0P3MquuzXN
— Bebe Rexha (@BebeRexha) May 27, 2026
Reagimi i saj u vlerësua nga shumë fansa, të cilët e përgëzuan për mënyrën elegante dhe me humor se si iu kundërpërgjigj komenteve negative.
Kjo nuk është hera e parë që Bebe Rexha përballet me kritika për trupin dhe pamjen e saj. Në vitin 2023, ajo foli hapur për shtimin në peshë dhe për problemet shëndetësore që lidhen me sindromën e vezoreve policistike (PCOS), një çrregullim hormonal që mund të ndikojë edhe në peshë.
Në atë kohë, këngëtarja u shpreh se ishte lodhur nga fakti që njerëzit komentonin vazhdimisht trupin e saj.
“Po, kam shtuar peshë. Jam lodhur duke dëgjuar njerëzit të flasin për këtë,” shkroi ajo në rrjetet sociale.
Bebe Rexha ka folur disa herë për presionin që përjetojnë artistet femra lidhur me standardet e pamjes fizike dhe mënyrën si komentet online mund të ndikojnë emocionalisht te njerëzit.
