Dy pilotë të Forcave Ajrore Mbretërore Britanike (RAF) u nxorën nga avioni i tyre i stërvitjes përpara se ai të rrëzohej pranë shtëpive në Anglesey, në veri të Uellsit, të dielën.
Policia tha se dy pilotët po trajtoheshin për lëndime të lehta: "Dy pilotë po trajtohen për lëndime që besohet të jenë të lehta dhe nuk ka raportime për ndonjë dëmtim ose lëndim të madh në këtë fazë."
Autoritetet u bënë thirrje qytetarëve të shmangin zonën. Daily Mail publikoi një video që supozohet se ka kapur momentin e përplasjes.
Forcat Ajrore Mbretërore konfirmuan se incidenti përfshinte një avion Hawk T2 , i cili ishte ngritur nga RAF Valley. Në një deklaratë thuhet: “Një hetim për incidentin është duke vazhduar dhe ne nuk do të bëjmë asnjë koment të mëtejshëm në këtë kohë."
RAF nuk dha informacione të mëtejshme në lidhje me shkaqet e incidentit ose rrethanat në të cilat dy pilotët u detyruan të braktisnin avionin. ©LAPSI.al
