Një video nga një shkollë në shtetin e Pará ka tronditur Brazilin pasi fiksoi momentin kur një nxënëse 17-vjeçare sulmoi mësuesen e saj me thikë në një klasë të zbrazët. Incidenti ndodhi më 11 shtator në shkollën publike “Dr. Gerson dos Santos” në qytetin Cameta, në Brazilin verilindor. Nxënësja e klasës së 11-të thuhet se sulmoi mësuesen e matematikës Betânia de Almeida.
Në video, 17-vjeçarja shihet duke qëndruar pranë tavolinës së mësueses, fillimisht duke luajtur në mënyrë nervoze me flokët e saj. Disa sekonda më vonë, ajo nxjerr një thikë dhe papritmas lëviz drejt mësueses. De Almeida e ndjeu sulmin dhe arriti t’i shmanget lëvizjes së parë të nxënëses, përpara se të fillojë një përpjekje e ashpër në klasë për t’i hequr thikën.
Sipas pamjeve filmike, 17-vjeçarja përpiqet ta godasë përsëri, madje afër fytyrës, ndërsa mësuesja përpiqet me dëshpërim të mbrojë veten. Mësuesja arrin përfundimisht të largohet nga klasa, por nxënësja e ndjek atë në një distancë të shkurtër përpara se situata të vihet nën kontroll.
🚨Update: Teen stabs teacher as she desperately fights for her life in deadly, caught-on-video attack! Just another reason to arm teachers! pic.twitter.com/JU6TzoLsyw
— US Homeland Security News (@defense_civil25) September 19, 2026
Nxënësja u arrestua në vendngjarje nga policia. Sipas një raporti nga Policia e Pará, ajo tha se e sulmoi mësuesen sepse "nuk e pëlqente". Sulmi ndodhi menjëherë pas vlerësimit të provimit të nxënëses. Një anëtar i familjes së mësueses u tha mediave braziliane se de Almeida sapo kishte mbaruar së dhëni testin kur u sulmua.
Mësuesja u dërgua në Spitalin Rajonal Cameta, ku iu bënë qepje. Mjekët përcaktuan se plaga nuk dëmtoi asnjë organ jetësor dhe ajo doli nga spitali.
17-vjeçarja, si e mitur, nuk trajtohet sipas të njëjtit kuadër penal si një i rritur në Brazil. Sipas avokates Tess Cruz, e cila foli për rastin, akti mund të klasifikohet si një vepër e rëndë penale ekuivalente me vrasje të mbetur në tentativë dhe ta çojë studenten e mitur në një strukturë të posaçme. ©LAPSi.al
