Banorët e qyteteve Winterthur dhe Ueterland në Cyrih të Zvicrës u përballën me një fenomen të çuditshëm moti të premten (28/8). Një breshër i madh ra, duke shkaktuar dëme të rënda materiale dhe lëndime.
Sipas mediave vendase, nxënësit e shkollave fillore pësuan lëndime, dritaret dhe çatitë e shtëpive, ndërtesave dhe objekteve shkollore u thyen.
Xhamat e makinave u dëmtuan ndërsa në disa raste copat e breshrit dukeshin si topa golfi ose tenisi duke hapur vrima në automjete.
Shumë ambulanca u mobilizuan, të cilat transportuan të plagosurit në spitale ndërsa ekipe speciale u morën me pemët e rrëzuara në rrugë. Disa makina që udhëtonin në autostradë gjatë breshrit u detyruan të ndalonin në korsinë e emergjencës për shkak të dëmeve që pësuan.
Sipas ekspertëve, ky breshër ishte një fenomen jashtëzakonisht i rrallë moti. Fenomeni zgjati rreth 5 minuta. Papritmas, nisi një erë e fortë dhe gjithçka u errësua. Pastaj "breshëri nisi të binte sikur të ishte derdhur", përshkruan një pronar makine, xhami i pasmë i të cilit ishte thyer, duke vënë në dukje se "nuk kishte përjetuar kurrë diçka të tillë më parë". ©LAPSI.al
