Një incident ka ndodhur në ditën e 89-të të protestës në Tiranë. Në disa video që qarkullojnë online shihet se ka pasur një përplasje mes Sali Lushajt, babait të këngëtarit Arkimed Lushaj, i njohur si "Stresi" dhe Dritan Goxhajt, njërit prej organizatorëve të protestës.
Sipas asaj që raportojnë mediat, Lushaj së bashku me disa anëtarë të tjerë të PD-së po bënin foto gjatë protestës me simbolin e PD, dy gishtat, duke tërhequr vëmendjen e protestuesve të tjerë.
Këta të fgundit shkuan për t’i larguar nga aty, gjë që solli përplasje. Në pamje shihet dhe momenti kur Lushaj përplaset fizikisht me Dritan Goxhajn duke sjellë akoma dhe më shumë tension. /LAPSI.al
