Gjykata Administrative zhvilloi seancën e radhës për padinë e Erion Veliajt kundër prokurorit Ols Dado. Kryebashkiaku i Tiranës kërkon shpalljen të paligjshëm të dekretit që emëroi Dadon në detyrën e prokurorit. Në seancë mungojnë përfaqësuesit e Këshillit të Lartë të Prokurorisë dhe Avokaturës së Shtetit. Gjatë shqyrtimit, avokati i Veliajt, Ndreca, kërkoi që në proces të përfshihet si palë edhe Shoqata për Media dhe Drejtësi. Sipas tij, shoqata ka interes të drejtpërdrejtë në çështje dhe Kodi i Procedurës Civile i jep të drejtën të ndërhyjë në gjykim.
"Shoqata ka identifikuar se përfundimi i këtij gjykimi lidhet drejtpërdrejt me interesat e saj. Kërkesa e shoqatës për ndërhyrje kryesore në gjykim duhet pranuar", u shpreh avokati Ndreca. Gjykata po shqyrton kërkesat procedurale, ndërsa më pas pritet të kalojë në shqyrtimin e themelit të çështjes.
