Një ngjarje e rëndë raportohet në këto momente nga policia e Shkodrës. Të shtëna armësh janë raportuar në zonën e Dukagjinit.
Sipas të njëjtave burime bëhet fjalë për 2 të vrarë ndërsa një tjetër është plagosur. Viktimat janë babë e bir të identifikuar si Lek Gjoni dhe Prel Gjoni ndërsa i plagosur ka mbetur Lazër Bashi.
Janë të paqarta rrethanat ndërsa policia është duke shkuar në vendin e ngjarjes.
Situata vështirësohet edhe nga terreni i thellë malor. Zona e Dukagjinit ndodhet disa orë larg Shkodrës, ndërsa mungesa e valës telefonike në disa pjesë e bën të vështirë komunikimin dhe marrjen e informacionit të plotë. /LAPSI.al
