Sot shënohet dita e 27-të e protestës kundër klasës politike në vend. Protestuesit janë grumbulluar fillimisht në Sheshin Skënderbej dhe më pas marshuan në bulevard, për t’u mbledhur përpara Kryeministrisë.
Ata kërkojnë dorëheqje të kryeministrit Edi Rama, ngritjen e një qeverie teknike dhe anulimin e ligjit për zonat e mbrojtura dhe ligjit për trashëgiminë kulturore.
Në përfundim të fjalimeve poshtë zyrës së Ramës, protestuesit do të vijojnë me të njëjtin skenar, duke marshuar në disa nga rrugët e Tiranës.
