Presidenti i Republikës, Bajram Begaj, dekretoi sot ligjin për amnistinë penale, duke i hapur rrugë hyrjes së tij në fuqi.
Ligji ishte miratuar më herët në Kuvend me votat e Partisë Socialiste dhe Partisë Socialdemokrate dhe parashikon lirimin e menjëhershëm të 466 të dënuarve, mes tyre 11 gra dhe 1 i mitur, ndërsa 869 persona të tjerë do të përfitojnë ulje të dënimit.
Presidenti dekretoi gjithashtu edhe ligjin për sektorin e energjisë elektrike, si dhe ligjin për informacionin elektronik të transportit të mallrave. Amnistia penale do të hyjë në fuqi 15 ditë pas botimit në Fletoren Zyrtare.
