Dakota Johnson dhe Machine Gun Kelly duket se po afrohen gjithnjë e më shumë, ndërsa dyshja u fotografua gjatë një mbrëmjeje së bashku në New York.
Sipas një burimi të Page Six, aktorja dhe reperi, emri i vërtetë i të cilit është Colson Baker, u drejtuan fillimisht në apartamentin e Taylor Swift në Tribeca, përpara se të shkonin për darkë në restorantin Estela.
“Taylor u ka lejuar më parë miqve të përdorin pronat e saj në New York dhe Dakota dhe Colson donin privatësi, ndaj u drejtuan në apartamentin e saj”, tha burimi.
Swift nuk ndodhej në apartament në atë moment, sipas raportimeve, por duket se dyshja shfrytëzoi hapësirën për të kaluar pak kohë larg syve kureshtarë.
Burimi pretendon se mes Johnson dhe Kelly kishte “patjetër kimi”.
“Colson kaloi shumë mirë me Dakotën. Ai mendon se ajo është shumë interesante dhe padyshim që tërhiqet prej saj. U lidhën menjëherë dhe kishte patjetër kimi mes tyre”, tha burimi.
Sipas tij, lidhja është ende në fazat e para dhe të dy thjesht po njihen me njëri-tjetrin.
“Ai do ta takojë sërish”, shtoi burimi.
Burimi theksoi se mbrëmja nuk ishte një takim romantik i organizuar në mënyrë madhështore.
“Ata po kalonin kohë bashkë, po darkonin, po flisnin dhe po njiheshin më mirë”, tha ai, duke shtuar se Kelly “nuk po përpiqej ta bënte diçka të madhe apo që të gjithë ta dinin se ishin bashkë”.
Një tjetër detaj që duket se e ka bërë reperin të afrohet me aktoren është humori i saj.
“Ai pëlqen faktin që ajo është qesharake dhe nuk e merr veten shumë seriozisht. Nuk ishte aspak e sikletshme apo e sforcuar. U ndien mirë bashkë dhe kaluan bukur”, tha burimi.
Johnson dhe Kelly nuk janë të panjohur për njëri-tjetrin. Të dy morën pjesë në eventin Vogue World: Hollywood në Los Angeles në tetor 2025.
Ata ishin gjithashtu të ftuar në dasmën e Taylor Swift dhe Travis Kelce në korrik, ku raportohet se janë takuar.
Dyshja është parë në New York gjatë fundjavës. Johnson mori pjesë në darkën e Kering Foundation Caring for Women të enjten, ndërsa Kelly u fotografua duke dalë nga Greenwich Hotel të premten dhe më pas në US Open të shtunën.
