Benny Blanco ka zbuluar se romanca e tij me bashkëshorten Selena Gomez nisi shumë kohë përpara se të bëhej publike.
Në një intervistë për gazetën spanjolle El País, producenti muzikor tregoi se çifti e mbajti lidhjen larg syrit të publikut për tetë deri në nëntë muaj.
"E mbajtëm marrëdhënien private për një kohë të gjatë, rreth tetë ose nëntë muaj," tha Blanco.
Ai kujtoi gjithashtu një bisedë me këngëtaren, e cila i kishte kërkuar të mendonte mirë për vendimin e tij.
"Ajo më pyeti: 'Je i sigurt që do ta bësh këtë? E kuptoj nëse do të mbetemi vetëm miq.' Dhe unë i thashë: 'E di çfarë? Le ta bëjmë.'"
Blanco tha se një nga arsyet pse marrëdhënia e tyre funksionon është fakti se të dy janë të rrethuar nga miq dhe familjarë që i njohin prej shumë vitesh, shumë kohë përpara famës.
Producenti foli edhe për vështirësitë që sjell jeta në qendër të vëmendjes.
"Nuk më pëlqen ta ekspozoj jetën time. Njerëzit e famshëm janë vazhdimisht nën vëzhgim. Çfarëdo që të thuash, dikush do ta kritikojë."
Selena Gomez dhe Benny Blanco u përfolën për herë të parë si çift në korrik 2023, ndërsa në dhjetor të po atij viti këngëtarja konfirmoi se kishin qenë në një lidhje sekrete për gjashtë muaj.
Në fund të vitit 2024, Gomez njoftoi fejesën e tyre, ndërsa në shtator 2025 çifti kurorëzoi dashurinë me martesë në Santa Barbara, Kaliforni.
