Një apartament në katin e 8 të një pallati në lagjen Pavarësia në Vlorë është përfshirë nga flakët rreth orës 01:00 të mëngjesit të sotëm. Menjëherë në vendngjarje kanë mbërritur forcat zjarrfikëse. Ato kanë punuar për disa orë për të vënë nën kontroll flakët dhe për të parandaluar përhapjen e zjarrit në apartamentet përreth. Operacioni ka qenë i vështirë për shkak të lartësisë së katit ku ra zjarri.
Fatmirësisht, nuk raportohet për persona të lënduar, ndërsa dëmet materiale në banesë kanë qenë të konsiderueshme. Ekspertët të kryejnë verifikimet përkatëse për të përcaktuar rrethanat e ngjarjes.
