Një incident është shënuar pasditen e së dielës para Kryeministrisë. Policia ka larguar me forcë qytetarët që kanë kaluar mbrëmjen para godinës qeveritare.
Pas dëbimit të tyre, policia ka larguar edhe këpucët e vendosur në shkallët e godinës, të cilat simbolizonin largimin e të rinjve nga vendi si shkak i emigracionit.
Kjo është shoqëruar me reagime të menjëhershme nga ana e qytetarëve, të cilët cilët kanë kundërshtuar heqjen e këpucëve.
“Mos i prekni këpucët, kjo është vjedhje e vullnetit popullor. Mos i ngacmoni veprat artistike të vendosura nga popull. Ky është territor publik”, dëgjohet të artikulojë një protestues në megafon.
Ditën e sotme do të zhvillohet protesta e 29-të në Tiranë. Protesta e cila nisi si një reagim i drejtpërdrejtë ndaj situatës së ndodhur në Zvërnec kërkon tani dorëheqjen e kryeministrit Edi Rama. /LAPSI.al
