Vetëm pak ditë pasi kurorëzoi dashurinë me Travis Kelce, Taylor Swift ka marrë një tjetër lajm të madh në karrierën e saj. Këngëtarja është nominuar për një çmim Emmy, falë filmit koncert “The Eras Tour: The Final Show”.
Swift është nominuar si interpretuese dhe producente në kategorinë “Outstanding Variety Special”, me projektin që zgjeron versionin kinematografik të vitit 2023 dhe përfshin edhe performancat nga albumi “The Tortured Poets Department”.
Në të njëjtën kategori konkurrojnë edhe produksione të Dave Chappelle, Nikki Glaser, The Muppet Show dhe Wicked: One Wonderful Night.
Edhe regjisori i filmit, Glen Weiss, ka marrë një nominim në kategorinë “Best Directing for a Variety Special”.
Ky është nominimi i parë i Taylor Swift për Emmy pas më shumë se një dekade. Ajo fitoi çmimin e saj të parë Emmy në vitin 2015 për projektin interaktiv “AMEX Unstaged: Taylor Swift Experience”, i lidhur me videoklipin e këngës “Blank Space”.
Me këtë arritje, Swift i afrohet edhe më shumë statusit EGOT, që u jepet artistëve që kanë fituar katër çmimet më prestigjioze të industrisë: Emmy, Grammy, Oscar dhe Tony.
“The Eras Tour”, i cili gjeneroi rreth 2 miliardë dollarë vetëm nga shitja e biletave, konsiderohet turneu më i suksesshëm në karrierën e Taylor Swift dhe një nga më fitimprurësit në historinë e muzikës.
