Agjencia ruse e energjisë atomike deklarojnë se një dron ukrainas goditi termocentralin bërthamor të Zaporizhias, duke shkaktuar shpërthim. Centrali kontrollohet nga Rusia në tokën ukrainase dhe është më i madhi në Europë, tha kompania atomike Rosatom. Mësohet se nuk kishte dëme në pajisjet kryesore të centralit, por goditja krijoi një vrimë në murin e një centrali elektrik.
“Këtë pasdite, një dron luftarak kamikaz ukrainas goditi ndërtesën e turbinës së Njësisë Nr. 6, duke rezultuar në një shpërthim”, tha kreu i Rosatom, Alexei Likhachev. “Shpërthimi nuk dëmtoi pajisjet kryesore, por hapi një vrimë në murin e turbinës.”
Nuk ka pasur asnjë koment të menjëhershëm nga pala ukrainase. Likhachev e përshkroi sulmin si “të qëllimshëm”. Centrali bërthamor i Zaporizhzhisë u pushtua nga Rusia në mars të vitit 2022 dhe mbetet nën kontrollin e saj.
Ai ndodhet pranë vijës së frontit, në rajonin juglindor të Zaporizhzhisë në Ukrainë. Gjatë luftës katërvjeçare, ai është sulmuar herë pas here, duke rritur frikën e një aksidenti bërthamor në objekt.
“Jemi një hap më afër një incidenti që ka të ngjarë të prekë edhe ata që jetojnë shumë përtej kufijve të Rusisë dhe Ukrainës dhe ende besojnë se janë plotësisht të sigurt”, tha Likhachev.
