Disa investitorë të Wondermind, startup-it të shëndetit mendor të bashkëthemeluar nga Selena Gomez, kanë ngritur padi ndaj këngëtares, duke pretenduar se janë mashtruar për suksesin e kompanisë dhe përfshirjen e saj.
Pesë investitorë thonë se investuan 1.2 milionë dollarë në vitin 2022, duke besuar se Gomez do të përdorte famën dhe ndjekësit e saj për të zhvilluar kompaninë.
Sipas padisë, Wondermind u vlerësua në 95 milionë dollarë, ndërsa partneritetet e premtuara, marrëveshjet reklamuese dhe aplikacioni i kompanisë nuk u realizuan.
Në padi përfshihen edhe nëna e Gomez, Mandy Teefey, dhe ish-partnerja e biznesit, Daniella Pierson. Investitorët kërkojnë kthimin e parave dhe dëmshpërblim.
Pierson i ka mohuar akuzat, duke deklaruar se nuk ka përdorur fondet e investitorëve për shpenzime personale.
