Protesta kundër qeverisë është zhvilluar sot për të 28-ën ditë radhazi, me qytetarët që marshuan nga sheshi “Skënderbej” drejt Kryeministrisë, duke përsëritur thirrjet: “Rama në burg, Berisha në burg”. Pasi mbërritën para godinës së qeverisë, organizatorët mbajtën fjalimet dhe prezantuan sërish kërkesat drejtuar ekzekutivit. Në emër të grupit koordinues, Dritan Goxhaj paraqiti një platformë që përfshin dorëheqjen e panegociueshme të kryeministrit Edi Rama, ngritjen e një qeverie teknike me mandat 12-mujor, ndryshime kushtetuese, reformim të Kodit Zgjedhor, ndryshime në ligjin për financimin e partive politike, si edhe kufizimin e mandatit të kryeministrit në maksimumi dy mandate.
Në nisje të marshimit, protestuesit mbajtën një minutë heshtje në nderim të viktimave të Çamërisë, në 82-vjetorin e gjenocidit grek ndaj shqiptarëve të Çamërisë.
