Djemtë e Britney Spears, Sean Preston Federline dhe Jayden James Federline, kanë bërë debutimin e tyre si model në pasarelë gjatë Paris Fashion Week, duke tërhequr vëmendjen e publikut dhe mediave.
Sean, 20 vjeç, dhe Jayden, 19 vjeç, parakaluan në sfilatën e koleksionit Vetements Menswear Pranverë/Verë 2027, duke shënuar paraqitjen e tyre të parë në botën e modës.
As Britney Spears dhe as ish-bashkëshorti i saj, Kevin Federline, nuk ishin të pranishëm në sfilatë, duke u lënë të gjithë vëmendjen djemve të tyre.
Për Jayden, kjo nuk është paraqitja e parë në një event mode. Muajin e kaluar ai mori pjesë në sfilatën Dior Cruise 2027në Los Angeles, ndërsa kjo ishte edhe dalja e tij e parë në tapetin e kuq pas rreth dhjetë vitesh.
Edhe pse Sean dhe Jayden kanë zgjedhur të qëndrojnë larg vëmendjes së mediave gjatë viteve, ata tashmë duket se po ndërtojnë rrugët e tyre profesionale.
Në librin e tij të botuar në vitin 2025, Kevin Federline zbuloi se Jayden është rikthyer në Los Angeles për të ndjekur ëndrrën e tij në muzikë, ndërsa Sean po ndërton jetën e tij si i rritur.
"Jam krenar për të dy. Kemi bërë gjithçka që mundëm për t'i përgatitur për jetën dhe besoj se janë gati për sfidat që i presin," është shprehur Kevin Federline.
