Fansat e Harry Styles u shqetësuan pasi këngëtari u rrëzua në skenë gjatë koncertit të tij në Wembley Stadium në Londër, në mes të valës rekord të të nxehtit që ka përfshirë Mbretërinë e Bashkuar.
Gjatë performancës së së premtes, 26 qershor, artisti 32-vjeçar po interpretonte këngën "As It Was", kur, pas një prej lëvizjeve të tij karakteristike në skenë – e njohur nga fansat si "whale move", ku nxjerr një spërkatje uji në ajër – ai dukej se u mbyt me ujin që kishte ende në gojë.
Video të shpërndara nga fansat në rrjetet sociale tregojnë momentin kur Styles bie me shpinë në skenë dhe vazhdon të kollitet për disa sekonda.
Ndërsa ishte i shtrirë, ai u pa duke kollitur vazhdimisht, duke mbuluar gojën me dorë dhe duke u përpjekur të merrte frymë. Pas rreth 17 sekondash, këngëtari u ngrit në këmbë, përshëndeti publikun dhe u largua nga skena pa shfaqur shenja të tjera shqetësuese.
@enricalatorre The man collapsed 😂😂 #harrystyles #harrystylesconcert #toghethertoghetertour ♬ original sound - Enrica Latorre
Megjithatë, incidenti shkaktoi reagime të shumta në rrjetet sociale.
"Si ka mundësi që askush nuk shkoi ta kontrollonte?", shkroi një përdorues në TikTok, ndërsa një tjetër komentoi: "Edhe nëse nuk ishte diçka serioze, duhet të ketë më shumë kujdes, sidomos në këto temperatura ekstreme."
Koncerti u zhvillua në një kohë kur Mbretëria e Bashkuar regjistroi një rekord të ri të temperaturave për muajin qershor. Sipas BBC, duke cituar Met Office, temperatura në disa zona arriti në 37.3 gradë Celsius, ndërsa në Londër u regjistruan rreth 36 gradë Celsius.
Pavarësisht incidentit, Harry Styles u rikthye në skenë një ditë më vonë për koncertin e radhës, duke treguar se ishte në gjendje të mirë shëndetësore.
Turneu "Together, Together" do të vazhdojë me koncerte në Brazil, Meksikë, Shtetet e Bashkuara dhe Australi, në mbështetje të albumit të tij më të fundit, "Kiss All the Time. Disco, Occasionally."
