Pas mbi tre orësh fjalime, protestuesit kanë nisur marshimin edhe për këtë ditë të protestës. Nën thirrjet për dorëheqje të qeverisë, lumi i protestuesve po lë bulevardin për t’u nisur në një tjetër destinacion, i cili mbetet për t’u parë, duke qenë se çdo natë është zgjedhur një itinerar i ri.
Ata kanë vijuar me thirrjet e përsëritura “Rama jep dorëheqjen” dhe “Revolucion”, të cilat kanë qenë mes sloganeve kryesore të revoltës. Protesta e sotme ka pasur një pjesëmarrje shumë të lartë, si shkak dhe i qytetarëve të ardhur nga jashtë vendit.
