Vrasja e një nëne me 5 fëmijë nga dy motra të reja në Teksas ka tronditur opinionin në SHBA, për më tepër që ato nuk kanë pasur një motiv të qartë për krimin.
Edhe më tronditës ishte fakti se kur policia arrestoi 19-vjeçaren Amaya Cookie Diaz dhe 21-vjeçaren Kitty Mia Diaz në qytetin Del Rio, pranë kufirit me Meksikën, njëra po buzëqeshte dhe tjetra po jepte shfaqje para kamerave.
Two young Texas sisters and their friend were arrested after brutally hacking a mother of five to death. A 32-year-old mother in broad daylight on a busy street in Del Rio, Texas.
— Desiree (@DesireeAmerica4) June 28, 2026
Kitty Mia Diaz (21), Amaya 'Cookie' Diaz (19), and Kyandra Renee Faz (21) are charged with murder.… pic.twitter.com/ObsX9CVINw
Videoja tregon 19-vjeçaren duke buzëqeshur ndërsa është e prangosur për vrasjen e 32-vjeçares Caroline "Caro" Peña, ndërsa pak më vonë 21-vjeçarja qeshte dhe bërtiste "ndaloni duke më shkruar".
Për vrasjen që ndodhi të enjten e kaluar, është arrestuar edhe 21-vjeçarja Kiandra Renee Faz, e cila është shoqe e dy vajzave.
Një mik i viktimës tha si 32-vjeçarja luftoi për jetën e saj gjatë pritës së ngritur nga dy motrat dhe shoqja e tyre, të cilat po mbahen me një garanci prej 15 milionë dollarësh.
Dëshmitarët okularë thanë se para sulmit fatal ndaj nënës 32-vjeçare me 5 fëmijët e saj të moshës 3 deri në 17 vjeç, dy prej të cilëve janë me aftësi të kufizuara, nuk kishte pasur asnjë përballje me 3 gratë, autore të krimit.
Një nga tre gratë e reja të arrestuara është gjithashtu nëna e një fëmije të vogël. ©Lapsi.al
