News24 ka publikuar pamje me dron nga protesta e 20-të në Tiranë. Mijëra qytetarët, pas mbledhjes para Kryeministrisë, kanë vijuar me marshimin në rrugët e kryeqytetit.
Gjatë protestës janë dëgjuar thirrje të forta, mes tyre “Rama jepe dorëheqjen” dhe slogani “Atdheu nuk është në shitje”, ndërsa pjesëmarrësit kanë vijuar mobilizimin e tyre edhe në ditën e 20-të të protestave.
Edhe pse kanë kaluar disa javë nga nisja e tubimeve, pjesëmarrja mbetet e lartë dhe se qytetarët vazhdojnë të dalin rregullisht në shesh për të shprehur pakënaqësitë e tyre ndaj qeverisë.
Protestat nuk kanë humbur intensitetin dhe përkundrazi po shndërrohen në një lëvizje të qëndrueshme qytetare, e cila synon ndryshime politike në vend.
Protestuesit kanë deklaruar se do të vijojnë mobilizimin deri në realizimin e kërkesës së tyre kryesore: dorëheqjen e kryeministrit Edi Rama dhe të qeverisë së tij. /BW
