Dy persona janë arrestuar në Sarandë, pasi dyshohet se po ndihmonin gjashtë emigrantë të kalonin ilegalisht kufirin drejt Greqisë, kundrejt pagesës. Në pranga ranë A.D., 50 vjeç, dhe F.Ç., 59 vjeç, të dy nga Tirana. Ata u kapën pranë vijës kufitare, në zonën e Paganes, me dy automjete që do të përdoreshin për transportin e emigrantëve.
Gjashtë shtetasit nga Pakistani, Bangladeshi dhe India u proceduan penalisht, pasi kishin hyrë ilegalisht në Shqipëri. Policia sekuestroi edhe dy automjetet, ndërsa materialet i kaluan Prokurorisë.
