Zjarri masiv që përfshiu mbrëmjen e së martës Gjirin e Lalëzit është shuar rreth orës 02:00 të mëngjesit. Flakët u afruan pranë një kompleksi turistik dhe një banese, duke detyruar evakuimin e pushuesve. Fatmirësisht, asnjë banesë nuk u prek nga zjarri. Zjarrfikësit qëndruan në terren deri në neutralizimin e plotë të vatrës.
Ndërkohë, aktive mbetet vatra në pyllin e Bizës. Terreni i vështirë dhe bimësia e dendur po pengojnë ndërhyrjen nga toka. Për shuarjen e flakëve pritet angazhimi i mjeteve ajrore.
