Teherani ka hedhur poshtë propozimin e Omanit për menaxhim të përbashkët rajonal të Ngushticës së Hormuzit. Kjo mund të pengojë edhe përpjekjet për çtensionuar një krizë që ka ndërprerë transportin detar dhe tregtinë në Gjirin Persik për muaj të tërë.
Sipas një zyrtari të lartë iranian, të cituar nga Reuters, pala iraniane që korridori detar hyrës dhe një pjesë e atij dalës duhet të mbeten nën kontrollin ekskluziv iranian.
Propozimi i Omanit, i cili u mbështet nga shtetet e Gjirit, parashikonte një sistem menaxhimi të përbashkët të ngushticave, me kontribute vullnetare nga anijet që kalonin për të financuar shërbimet e navigimit, mbrojtjen e mjedisit dhe operacionet e kërkim-shpëtimit, të ngjashme me Ngushticën e Malakës.
Ndërkohë, Garda Revolucionare njoftoi se njësitë e saj të Marinës kishin sekuestruar tre anije cisternash nafte në Ngushticën e Hormuzit, duke pretenduar se ato injoruan paralajmërimet dhe po ndiqnin një “rrugë të rrezikshme dhe të paligjshme”. Në një deklaratë, ata theksuan se ende mbajnë kontrollin e plotë të zonës, duke paralajmëruar se çdo “ndërhyrje e paligjshme ushtarake amerikane” nuk do të mbetej pa përgjigje.
