Dasma e shumëpritur e Taylor Swift dhe Travis Kelce po afron, por duket se jo të gjithë miqtë e dikurshëm të këngëtares do të jenë të ftuar në ceremoni.
Sipas burimeve të mediave ndërkombëtare, supermodelja Karlie Kloss nuk pritet të jetë pjesë e listës së të ftuarve në dasmën e çiftit.
Në mesin e të ftuarve të afërt të Taylor Swift thuhet se do të jenë emra si Selena Gomez, Gigi Hadid dhe mikesha e saj e fëmijërisë, Abigail Anderson Berard.
Burimet pretendojnë se Taylor ka vendosur që në ditën e saj të rëndësishme të jenë vetëm personat me të cilët ka marrëdhënie të forta dhe të sinqerta ndër vite.
Sipas të njëjtave raportime, arsyeja e distancimit nga Karlie Kloss lidhet me prishjen e besimit mes tyre dhe me faktin se supermodelja është e lidhur me figurën kontroverse të Scooter Braun, i cili ka qenë në konflikt të njohur me Swift për të drejtat e muzikës së saj.
Taylor Swift dhe Karlie Kloss dikur kanë qenë mikesha shumë të afërta, duke u shfaqur së bashku në evente të ndryshme, madje edhe në pasarela mode. Megjithatë, raporti i tyre është ftohur me kalimin e viteve.
Ndërkohë, Taylor Swift dhe Travis Kelce u fejuan në gusht të vitit 2025 dhe lidhja e tyre nisi në verën e vitit 2023, duke u kthyer shpejt në një nga çiftet më të përfolur të showbiz-it.
