Kamera bie nga 20 metra lartësi, rrezikon një kameraman: ndërpritet Hungari-Kazakistan

Gjatë miqësores mes Hungarisë dhe Kazakistanit në stadiumin Nagyerdei Stadium në Debrecen, u përjetuan momente të mëdha frike për shkak të një aksidenti serioz. Një spidercam, kamera e varur me kabllo mbi fushën e lojës, ra papritur në fushë, duke e detyruar arbitrin të ndërpriste përkohësisht ndeshjen. Sipas rindërtimeve të para, sistemi kishte filluar të nxirrte tym që gjatë pjesës së parë, ndoshta për shkak të një defekti ose një zjarri të vogël që kompromentoi strukturën mbajtëse. 

Pak më vonë, pajisja ra nga një lartësi prej më shumë se 20 metrash, duke përfunduar pranë vijës anësore, vetëm pak metra larg operatorëve dhe personelit të pranishëm. Rënia shkaktoi panik mes lojtarëve dhe stafeve, por fatmirësisht nuk pati të lënduar. Megjithatë, episodi solli pezullimin e përkohshëm të ndeshjes, gjatë së cilës ndërhynë shërbimet e sigurisë për të siguruar zonën dhe për të larguar mbetjet e pajisjes së dëmtuar.

Hungari-Kazakistan, frikë në fushë: spidercam bie nga 20 metra

Pas disa minutash ndërprerje, ndeshja rifilloi normalisht. Ndërkohë, futbollistët përfituan nga ndalesa për t’u hidratuar dhe për t’u riorganizuar në fushë. Pavarësisht frikës së madhe, ndeshja përfundoi me fitoren 3-1 të Hungarisë, falë edhe paraqitjes së shkëlqyer të Dominik Szoboszlai, një nga protagonistët e kombëtares hungareze dhe autor i golit të tretë. 

Gol fantastik realizoi edhe Andras Schafer, i cili orientoi sfidën në favor të Hungarisë me një goditje spektakolare nga 30 metra.

Kombëtarja kazake kishte kaluar fillimisht në avantazh me Maliy. Për të vulosur ndeshjen mendoi Toth në minutën e 92-të në favor të skuadrës së drejtuar nga italiani Marco Rossi. Si Hungaria ashtu edhe Kazakistani nuk arritën të kualifikoheshin për Botërorin 2026, i cili do të zhvillohet në SHBA, Kanada dhe Meksikë.