“Ja ku është Shakira. Ja ku është Shakira.” Kështu reagoi gazetari argjentinas Marcelo Benedetto kur pa këngëtaren kolumbiane të hynte në fushën e stadiumit Azteca. Gazetari ishte në transmetim të drejtpërdrejtë për DSports për të treguar emocionet e ceremonisë hapëse të Botërorit 2026 që po zhvillohet në Meksikë, SHBA dhe Kanada. Duke habitur edhe kolegët e tij në studio, Benedetto nuk mendoi dy herë: pavarësisht transmetimit live, la mikrofonin dhe u largua. Videoja e “performancës” së tij u bë menjëherë virale në rrjetet sociale.
Në një moment Benedetto zhduket nga kuadri, edhe pse kamera e ndjek për të parë deri ku do të shkonte. “Ja ku është – thonë nga studio kur shohin Shakirën që afrohet drejt kolegut të tyre. – Tani presim të na tregojë si ndihet duke bërë një foto me këngëtaren Shakira.” Transmetimi vazhdon dhe gazetarët në studio komentojnë atë që po shohin edhe telespektatorët. “Është diçka e pazakontë, apo jo?”
Ontem, o repórter Marcelo Benedetto, do DSports, largou a transmissão ao vivo para ir atrás de Shakira tirar uma foto! 😂 pic.twitter.com/SkbmwFDD50
— Televisão Argentina (@tvargentina_) June 11, 2026
Pamjet treguan gazetarin që iu afrua këngëtares kolumbiane, duke shmangur pjesërisht sigurimin dhe duke arritur ta ndalojë për disa sekonda për t’i kërkuar një selfie. Këngëtarja pranoi menjëherë me buzëqeshje dhe pozoi për fotografinë. Pasi u kthye para kamerës, Benedetto festoi “misionin e kryer” dhe madje e krahasoi momentin me një takim që kishte pasur vite më parë me Mike Tyson.
Një episod argëtues që sigurisht tërhoqi vëmendjen edhe të publikut në shtëpi. Por nuk ishte hera e parë për Benedetton. Në rrjetet sociale shumë përdorues kujtuan një situatë të ngjashme gjatë finales së Ligës së Kampionëve në vitin 2021, kur gazetari kishte përfituar nga puna e tij për të bërë një foto me shqiptaren Dua Lipa. Pra, një ekspert i vërtetë i selfieve me personazhe të famshëm, veçanërisht këngëtare, që ka fituar mjaft simpati nga publiku. Shakira nuk pati asnjë problem dhe e lejoi gazetarin të realizonte foton, përpara se ai të rikthehej në vendin e punës.
