Dhuratat simbolike për pjesëmarrësit e një samiti të liderëve janë normë dhe samiti i NATO-s në Ankara nuk bëri përjashtim. Por zgjedhja e organizatorit, Recep Tayyip Erdogan ishte e habitshme.
Presidenti turk u ofroi secilit udhëheqës të NATO-s, përfshirë edhe kryeministrin shqiptar Edi Rama, një revolver me emrin e tij të gdhendur dhe një kuti me plumba (të vërtetë), raporton Turkiye Today.
Detajin e zbuloi kryeministri britanik Keir Starmer gjatë një bisede me gazetarët në fluturimin e kthimit. Ai tha se nuk mund ta merrte armën e tij në Britani sepse importimi i saj do të ishte i paligjshëm.
Kështu që revolveri i tij do të mbetet në Ankara për t'u tërhequr nga qarkullimi, pavarësisht faktit se Erdogan kishte dërguar një letër personale duke hequr kufizimet e eksportit nga Turqia.
Starmer tha se revolverët dhuratë ishin një zgjedhje surprizë nga ana e presidentit turk. Nuk dihet nëse udhëheqës të tjerë të NATO-s janë përballur me pengesa të ngjashme.
Dhurata tjetër për udhëheqësit ishte më konvencionale. Ishte një libër me kapak luksoz, “Politikat e Kurajës: Erdogani dhe Ngritja e Turqisë”, si dhe një fletore dhe stilolaps me emrin e secilit udhëheqës mbi të. ©LAPSI.al
