Për të 41-ën ditë radhazi, mijëra qytetarë do të dalin sërish në rrugët e Tiranës. Ata kërkojnë dorëheqjen e kryeministrit Edi Rama dhe një ndryshim të plotë të klasës politike. Tubimi nis në Sheshin "Skënderbej". Më pas protestuesit marshojnë drejt Kryeministrisë, ku përsërisin thirrjet "Shqipëri e re", "Revolucion", "Ju erdhi fundi" dhe kërkojnë largimin e qeverisë.
Në qendër të protestës mbetet edhe refuzimi i elitës politike. Kjo konsiderohet protesta më e madhe dhe më e qëndrueshme qytetare që ka njohur Shqipëria që nga rënia e komunizmit. Protestuesit kanë paralajmëruar se do të vazhdojnë të mblidhen çdo ditë, derisa kërkesat e tyre të plotësohen.
