Të paktën 188 persona kanë humbur jetën nga tërmeti shkatërrues që goditi Venezuelën këtë të enjte. 1520 janë plagosur dhe 200 janë bllokuar nën rrënoja, sipas bilancit të fundit të raportuar zyrtarisht nga kreu i parlamentit të vendit, Jorge Rodriguez.
Raportet zyrtare flasin për 21,000 të zhdukur, por të dhënat nga platformat ku qytetarët kërkojnë të afërmit e tyre flitet për më shumë se 30,000 të zhdukur.
Forcat e sigurisë në zonat më të goditura po bëjnë thirrje për ndihmë nga qytetarët për furnizime me maska për fytyrën dhe ujë të pijshëm.
Disa shkolla dhe ndërtesa të tjera publike janë shndërruar në qendra grumbullimi për artikuj thelbësorë, raporton CNN.
Nga ana e tij, Kryqi i Kuq Venezuelian tha se artikujt më të nevojshëm janë "strehime emergjente për familjet, shtëpitë e të cilave u dëmtuan ose u shkatërruan", si dhe ujë i pijshëm, produkte higjienike dhe artikuj bazë shtëpiakë.
Autoritetet venezueliane po u bëjnë thirrje njerëzve të qëndrojnë të qetë, duke i kërkuar publikut të marrë masa paraprake dhe të qëndrojë në shtëpitë e tyre, për sa kohë që ato janë strukturisht të shëndosha. ©LAPSI.al
