Arben Ahmetaj ka bërë sontë një tjetër denoncim të fortë. Gjatë intervistës në Syri Tv, Ahmetaj tha se Belinda Balluku dhe kreu i Policisë së Shtetit, Skëndër Hita, përdorin një aplikacion sekret për të komunikur me njëri-tjetrin. Ahmetaj tha se ky aplikacion quhet “Threema” dhe siguron biseda të enkriptuara.
Pra, është një lloj aplikacioni me pagesë pak a shumë si Sky Ecc, që përdornin bandat dhe zyrtarë të lartë të lidhur me krimin e organizuar. Ahmetaj nuk dha detaje të tjera rreth aplikacionit dhe natyrës së komunikimeve të Skëndër Hitës me Belinda Ballukun. Threema është një aplikacion për komunikime sekrete pa pasur nevojë për një numër celulari dhe as për një adresë emaili.
Por fakt është që ky i fundit është pilotuar në krye të Policisë së Shtetit si njeri i Ballukut, për të cilën madje punoi me uniformën e Policisë së Shtetit për t’i bërë vota në qarkun Fier në zgjedhjet e vitit të shkuar. Më poshtë një video që tregon sesi funksionon ky aplikacion. ©LAPSI.al
